ਪਿੰਡ ਵੜੈਚ ਨੇੜੇ ਸੜਕ ਹਾਦਸੇ 'ਚ ਨੌਜਵਾਨ ਡਾਕਖਾਨਾ ਕਰਮਚਾਰੀ ਦੀ ਮੌਤ, ਇਨੋਵਾ ਚਾਲਕ ਫਰਾਰ

ਥਾਣਾ ਕਾਹਨੂੰਵਾਨ ਦੇ ਅਧੀਨ ਪਿੰਡ ਵੜੈਚ ਨੇੜੇ ਗੁਰਦਾਸਪੁਰ–ਸ੍ਰੀ ਹਰਗੋਬਿੰਦਪੁਰ ਸੜਕ ‘ਤੇ ਦੁੱਖਦਾਈ ਸੜਕ ਹਾਦਸਾ ਵਾਪਰਿਆ, ਜਿਸ ਵਿੱਚ ਪਿੰਡ ਭੱਟੀਆਂ ਦੇ 27 ਸਾਲਾ ਨੌਜਵਾਨ ਸੌਰਵ ਕੁਮਾਰ ਦੀ ਮੌਤ ਹੋ ਗਈ। ਸੌਰਵ ਕੁਮਾਰ, ਜੋ ਦੀਨਾਨਗਰ ਡਾਕਖਾਨੇ ਵਿੱਚ ਕਰਮਚਾਰੀ ਸੀ, ਡਿਊਟੀ ਤੋਂ ਘਰ ਵਾਪਸ ਆ ਰਿਹਾ ਸੀ। ਇਸ ਦੌਰਾਨ ਪਿੱਛੋਂ ਆ ਰਹੀ ਇਕ ਇਨੋਵਾ ਗੱਡੀ ਨੇ ਉਸਦੇ ਮੋਟਰਸਾਈਕਲ ਨੂੰ ਟੱਕਰ ਮਾਰੀ। ਹਾਦਸੇ ਵਿਚ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਇਨੋਵਾ ਚਾਲਕ ਗੱਡੀ ਸਮੇਤ ਫਰਾਰ ਹੋ ਗਿਆ।