ਤਾਜਾ ਖਬਰਾਂ
ਜਲੰਧਰ, 6 ਜੂਨ 2025 – ਦੇਸ਼ ਭਰ ਵਿੱਚ ਪੈ ਰਹੀ ਗੰਭੀਰ ਗਰਮੀ ਦੀ ਲਹਿਰ ਤੋਂ ਪ੍ਰਭਾਵਿਤ ਮੋਬਾਈਲ ਕਾਰੋਬਾਰੀਆਂ ਲਈ ਜਲੰਧਰ ਤੋਂ ਇੱਕ ਅਹਿਮ ਅੱਪਡੇਟ ਸਾਹਮਣੇ ਆਈ ਹੈ। ਮਾਡਲ ਟਾਊਨ ਮਾਰਕੀਟ ਵਿੱਚ ਸਥਿਤ ਮੋਬਾਈਲ ਐਸੋਸੀਏਸ਼ਨ ਨੇ ਐਲਾਨ ਕੀਤਾ ਹੈ ਕਿ 26 ਜੂਨ ਤੋਂ 29 ਜੂਨ ਤੱਕ ਚਾਰ ਦਿਨਾਂ ਲਈ ਮਾਰਕੀਟ ਦੀਆਂ ਸਾਰੀਆਂ ਮੋਬਾਈਲ ਦੁਕਾਨਾਂ ਬੰਦ ਰਹਿਣਗੀਆਂ।
ਐਸੋਸੀਏਸ਼ਨ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਇਹ ਫੈਸਲਾ ਕਰਮਚਾਰੀਆਂ ਅਤੇ ਦੁਕਾਨਦਾਰਾਂ ਦੀ ਤੰਦਰੁਸਤੀ ਅਤੇ ਮਨ ਦੀ ਸ਼ਾਂਤੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਲਿਆ ਗਿਆ ਹੈ। ਲੰਮੇ ਸਮੇਂ ਤੋਂ ਲਗਾਤਾਰ ਕੰਮ ਕਰ ਰਹੇ ਕਰਮਚਾਰੀ ਗਰਮੀ ਕਾਰਨ ਤਣਾਅ ਮਹਿਸੂਸ ਕਰ ਰਹੇ ਸਨ। ਇਸ ਪਿੱਛੋਂ, ਐਸੋਸੀਏਸ਼ਨ ਦੀ ਅੰਦਰੂਨੀ ਮੀਟਿੰਗ 'ਚ ਆਪਸੀ ਸਹਿਮਤੀ ਨਾਲ ਇਹ ਛੁੱਟੀਆਂ ਦਿੱਤੀਆਂ ਗਈਆਂ ਹਨ।
ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜੀਵ ਕੁਮਾਰ ਦੁੱਗਲ ਨੇ ਇੱਕ ਅਧਿਕਾਰਿਕ ਪੋਸਟਰ ਰਾਹੀਂ ਇਹ ਜਾਣਕਾਰੀ ਸਾਂਝੀ ਕੀਤੀ, ਜਿਸ ਵਿੱਚ ਇਹ ਵੀ ਸਾਫ਼ ਕੀਤਾ ਗਿਆ ਕਿ ਉਕਤ ਚਾਰ ਦਿਨਾਂ ਦੌਰਾਨ ਕੋਈ ਵੀ ਵਪਾਰਕ ਲੈਣ-ਦੇਣ ਜਾਂ ਗਾਹਕੀ ਨਹੀਂ ਹੋਵੇਗੀ। ਉਨ੍ਹਾਂ ਕਿਹਾ, "ਸਾਡਾ ਉਦੇਸ਼ ਹੈ ਕਿ ਸਾਰੇ ਕਾਰੋਬਾਰੀ ਅਤੇ ਕਰਮਚਾਰੀ ਆਪਣੇ ਪਰਿਵਾਰਾਂ ਨਾਲ ਕੁਝ ਸਮਾਂ ਬਿਤਾ ਸਕਣ ਅਤੇ ਗਰਮੀ ਤੋਂ ਰਾਹਤ ਪ੍ਰਾਪਤ ਕਰ ਸਕਣ।"
Get all latest content delivered to your email a few times a month.
