ਤਾਜਾ ਖਬਰਾਂ
ਐਨਡੀਪੀਐਸ ਅਤੇ ਪੀਟੀ ਐਕਟ ਤਹਿਤ ਮਾਰਚ ਮਹੀਨੇ ਤੋਂ ਅਸਾਮ ਦੀ ਸਿਲਚਰ ਜੇਲ੍ਹ ਵਿੱਚ ਨਜ਼ਰਬੰਦ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਨੂੰ ਵੀਰਵਾਰ ਸਵੇਰੇ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਹਵਾਈ ਉਡਾਣ ਰਾਹੀਂ ਅੰਮ੍ਰਿਤਸਰ ਲਿਆਂਦਾ ਗਿਆ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਗੁਰਦਾਸਪੁਰ ਦੇ ਭਗਵਾਨਪੁਰ ਪਿੰਡ ਦੇ ਇਸ ਬਦਨਾਮ ਗੈਂਗਸਟਰ ਨੂੰ ਉਸਦੀ ਮਾਂ ਹਰਜੀਤ ਕੌਰ ਦੇ ਕਤਲ (26 ਜੂਨ 2025) ਤੋਂ ਬਾਅਦ, ਪਹਿਲੀ ਵਾਰ ਪੁੱਛਗਿੱਛ ਲਈ ਅੰਮ੍ਰਿਤਸਰ ਅਤੇ ਬਟਾਲਾ ਲਿਆਂਦਾ ਗਿਆ ਹੈ। ਜੱਗੂ ਨੂੰ ਜਲਦ ਹੀ ਬਟਾਲਾ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।
'ਝੂਠੇ ਮੁਕਾਬਲੇ' ਦਾ ਡਰ, ਹਾਈ ਕੋਰਟ 'ਚ ਪਟੀਸ਼ਨ
ਇਸ ਦੌਰਾਨ, ਜੱਗੂ ਭਗਵਾਨਪੁਰੀਆ ਨੇ ਆਪਣੀ ਜਾਨ ਦੇ ਖ਼ਤਰੇ ਨੂੰ ਲੈ ਕੇ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਇੱਕ ਅਹਿਮ ਪਟੀਸ਼ਨ ਦਾਇਰ ਕੀਤੀ ਹੈ। ਪਟੀਸ਼ਨ ਵਿੱਚ ਜੱਗੂ ਨੇ ਇਹ ਖਦਸ਼ਾ ਜਤਾਇਆ ਹੈ ਕਿ ਪੁਲਿਸ ਉਸਨੂੰ 'ਝੂਠੇ ਮੁਕਾਬਲੇ' ਵਿੱਚ ਮਾਰ ਸਕਦੀ ਹੈ ਜਾਂ ਉਸਦੇ ਵਿਰੋਧੀ ਗੈਂਗਸਟਰ ਹਮਲਾ ਕਰ ਸਕਦੇ ਹਨ। ਉਸਨੇ ਆਪਣੀ ਮਾਂ ਦੇ ਕਤਲ ਨੂੰ ਵੀ ਵਿਰੋਧੀ ਸਾਜ਼ਿਸ਼ ਦਾ ਅਹਿਮ ਸਬੂਤ ਦੱਸਿਆ ਹੈ।
ਮੰਗਾਂ 'ਤੇ ਜ਼ੋਰ:
ਅਦਾਲਤ ਨੇ ਇਸ ਸੰਵੇਦਨਸ਼ੀਲ ਮਾਮਲੇ ਵਿੱਚ ਰਾਜ ਸਰਕਾਰ ਅਤੇ ਸਬੰਧਤ ਏਜੰਸੀਆਂ ਤੋਂ ਸਟੇਟਸ ਰਿਪੋਰਟ ਤਲਬ ਕੀਤੀ ਹੈ।
ਕੌਣ ਹੈ ਜੱਗੂ ਭਗਵਾਨਪੁਰੀਆ?
ਜੱਗੂ ਭਗਵਾਨਪੁਰੀਆ, ਜਿਸਦਾ ਅਸਲ ਨਾਮ ਜਗਦੀਪ ਸਿੰਘ ਹੈ, ਗੁਰਦਾਸਪੁਰ ਦੇ ਭਗਵਾਨਪੁਰ ਪਿੰਡ ਦਾ ਵਸਨੀਕ ਹੈ।
ਸੁਰਖੀਆਂ ਵਿੱਚ: ਉਹ 2014 ਵਿੱਚ ਧਿਆਨਪੁਰ ਪਿੰਡ ਵਿੱਚ ਹੋਏ ਕਤਲ ਤੋਂ ਬਾਅਦ ਚਰਚਾ ਵਿੱਚ ਆਇਆ ਸੀ।
ਅਪਰਾਧਾਂ ਦਾ ਰਿਕਾਰਡ: ਉਸ 'ਤੇ ਪੰਜਾਬ ਅਤੇ ਹੋਰ ਰਾਜਾਂ ਵਿੱਚ 128 ਤੋਂ ਵੱਧ ਕੇਸ ਦਰਜ ਹਨ।
ਮੁੱਖ ਧੰਦੇ: ਉੱਤਰੀ ਭਾਰਤ ਵਿੱਚ ਹਥਿਆਰਾਂ ਦਾ ਸਭ ਤੋਂ ਵੱਡਾ ਨੈੱਟਵਰਕ ਬਣਾਉਣਾ, ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਅਤੇ ਜਬਰੀ ਵਸੂਲੀ ਕਰਨਾ ਉਸਦਾ ਮੁੱਖ ਪੇਸ਼ਾ ਹੈ।
ਵੱਡੀਆਂ ਵਾਰਦਾਤਾਂ:
3 ਅਗਸਤ 2021 ਨੂੰ ਹਸਪਤਾਲ ਵਿੱਚ ਰਾਣਾ ਕੰਦੋਵਾਲੀਆ ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੀ।
29 ਮਈ 2022 ਦੇ ਸਿੱਧੂ ਮੂਸੇਵਾਲਾ ਕਤਲ ਕੇਸ ਵਿੱਚ ਲਾਰੈਂਸ ਗੈਂਗ ਨੂੰ ਸ਼ੂਟਰ, ਹਥਿਆਰ ਅਤੇ ਵਾਹਨ ਮੁਹੱਈਆ ਕਰਵਾਏ ਸਨ |
Get all latest content delivered to your email a few times a month.
