ਤਾਜਾ ਖਬਰਾਂ
ਮੋਹਾਲੀ ਸਥਿਤ Maharaja Ranjit Singh Armed Forces Preparatory Institute ਨੇ ਇਕ ਵਾਰ ਫਿਰ ਆਪਣੇ ਉਤਕ੍ਰਿਸ਼ਟ ਪ੍ਰਦਰਸ਼ਨ ਨਾਲ ਇਤਿਹਾਸ ਰਚ ਦਿੱਤਾ ਹੈ। ਸੰਸਥਾ ਦੇ 20 ਕੈਡਿਟਾਂ ਨੇ ਸਫਲਤਾਪੂਰਵਕ ਸਰਵਿਸ ਸਿਲੈਕਸ਼ਨ ਬੋਰਡ (SSB) ਦੀ ਪ੍ਰਕਿਰਿਆ ਪਾਰ ਕਰਦੇ ਹੋਏ ਜੂਨ 2026 ਵਿੱਚ ਸ਼ੁਰੂ ਹੋਣ ਵਾਲੇ National Defence Academy ਦੇ NDA-156 ਕੋਰਸ ਦੀ ਅੰਤਿਮ ਮੈਰਿਟ ਸੂਚੀ ਵਿੱਚ ਆਪਣੀ ਥਾਂ ਬਣਾਈ ਹੈ। ਇਸ ਪ੍ਰਾਪਤੀ ਵਿੱਚ ਮੋਹਾਲੀ ਦੇ ਕੈਡਿਟ ਅਭਿਸ਼ ਨੇ ਦੇਸ਼ ਭਰ ਵਿੱਚ ਚੌਥਾ ਸਥਾਨ ਹਾਸਲ ਕੀਤਾ, ਜਦਕਿ ਮਲੇਰਕੋਟਲਾ ਦੇ ਗੁਰਕਰਨਜੀਤ ਸਿੰਘ ਨੇ 12ਵਾਂ ਸਥਾਨ ਪ੍ਰਾਪਤ ਕਰਕੇ ਸੰਸਥਾ ਦਾ ਮਾਣ ਵਧਾਇਆ। ਖਾਸ ਗੱਲ ਇਹ ਰਹੀ ਕਿ ਕੁੱਲ ਪੰਜ ਕੈਡਿਟ ਟਾਪ-100 ਵਿੱਚ ਵੀ ਸ਼ਾਮਲ ਰਹੇ, ਜੋ ਕਿ ਇਸ ਸੰਸਥਾ ਦੀ ਗੁਣਵੱਤਾ ਭਰੀ ਤਿਆਰੀ ਦਾ ਸਪੱਸ਼ਟ ਸਬੂਤ ਹੈ।
ਪੰਜਾਬ ਦੇ ਰੁਜ਼ਗਾਰ ਉਤਪਤੀ ਅਤੇ ਹੁਨਰ ਵਿਕਾਸ ਮੰਤਰੀ Aman Arora ਨੇ ਇਸ ਕਾਮਯਾਬੀ ਨੂੰ ਸੂਬੇ ਲਈ ਮਾਣ ਵਾਲਾ ਮੋੜ ਦੱਸਦਿਆਂ ਕਿਹਾ ਕਿ ਮੁੱਖ ਮੰਤਰੀ Bhagwant Mann ਦੀ ਅਗਵਾਈ ਹੇਠ ਪੰਜਾਬ ਦੇ ਨੌਜਵਾਨ ਰੱਖਿਆ ਖੇਤਰ ਵਿੱਚ ਆਪਣੀ ਮਜ਼ਬੂਤ ਹਾਜ਼ਰੀ ਦਰਜ ਕਰਵਾ ਰਹੇ ਹਨ। ਉਨ੍ਹਾਂ ਕੈਡਿਟਾਂ ਦੀ ਮਿਹਨਤ, ਅਨੁਸ਼ਾਸਨ ਅਤੇ ਸੰਸਥਾ ਵੱਲੋਂ ਦਿੱਤੀ ਗਈ ਉੱਚ-ਪੱਧਰੀ ਸਿਖਲਾਈ ਦੀ ਭਰਪੂਰ ਸਰਾਹਨਾ ਕੀਤੀ।
ਇਸ ਮੌਕੇ ਸੰਸਥਾ ਦੇ ਡਾਇਰੈਕਟਰ ਮੇਜਰ ਜਨਰਲ (ਸੇਵਾਮੁਕਤ) Ajay H. Chauhan ਨੇ ਵੀ ਖੁਸ਼ੀ ਪ੍ਰਗਟ ਕਰਦਿਆਂ ਕਿਹਾ ਕਿ ਇਹ ਨਤੀਜੇ ਫੈਕਲਟੀ ਦੀ ਲਗਨ ਅਤੇ ਕੈਡਿਟਾਂ ਦੀ ਅਟੁੱਟ ਮਿਹਨਤ ਦਾ ਨਤੀਜਾ ਹਨ। ਉਨ੍ਹਾਂ ਦੱਸਿਆ ਕਿ ਸੰਸਥਾ ਦਾ ਮੁੱਖ ਲਕਸ਼ ਭਾਰਤੀ ਸਸ਼ਸਤ੍ਰ ਬਲਾਂ ਲਈ ਉੱਤਮ ਅਤੇ ਸਮਰਪਿਤ ਅਧਿਕਾਰੀ ਤਿਆਰ ਕਰਨਾ ਹੈ, ਜਿਸ ਵਿੱਚ ਇਹ ਨਤੀਜੇ ਇਕ ਵੱਡੀ ਮੀਲ ਪੱਥਰ ਸਾਬਤ ਹੋਏ ਹਨ।
Get all latest content delivered to your email a few times a month.
