2022-12-02 13:51:57 ( ਖ਼ਬਰ ਵਾਲੇ ਬਿਊਰੋ )
ਗਿੱਪੀ ਗਰੇਵਾਲ ਵੱਲੋਂ ਬਣਾਈ ਗਈ ਫਿਲਮ ਕ੍ਰਿਮੀਨਲ ਦੀ ਕਹਾਣੀ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਫਿਲਮ ਦੀ ਕਹਾਣੀ ਨਵੀਨ ਜੇਠੀ ਨੇ ਲਿਖੀ ਹੈ।ਰਿਲੀਜ਼ ਤੋਂ ਬਾਅਦ ਦੀਆਂ ਸਮੀਖਿਆਵਾਂ ਵਿੱਚ ਵੀ ਪ੍ਰਸ਼ੰਸਕਾਂ ਨੇ ਸਕ੍ਰਿਪਟ ਰਾਈਟਿੰਗ ਦੀ ਤਾਰੀਫ ਕੀਤੀ ਹੈ। ਕ੍ਰਿਮੀਨਲ ਦੇ ਸਾਰੇ ਸ਼ੋਅ ਪਹਿਲੇ ਹੀ ਦਿਨ ਸਾਰੇ ਸਿਨੇਮਾਘਰਾਂ 'ਚ ਹਾਊਸਫੁੱਲ ਰਹੇ। ਫਿਲਮ ਦੇ ਪਟਕਥਾ ਲੇਖਕ ਦੀ ਗੱਲ ਕਰੀਏ ਤਾਂ ਨਵੀਨ ਜੇਠੀ ਪੰਜਾਬੀ ਇੰਡਸਟਰੀ ਦੇ ਜਾਣੇ-ਪਛਾਣੇ ਸਹਾਇਕ ਨਿਰਦੇਸ਼ਕ ਹਨ। ਨਵੀਨ ਬਰਨਾਲਾ ਦਾ ਰਹਿਣ ਵਾਲਾ ਹੈ ਅਤੇ ਉਸ ਨੇ ਆਪਣੀ ਪੜ੍ਹਾਈ ਵੀ ਬਰਨਾਲਾ ਤੋਂ ਕੀਤੀ ਹੈ। ਹੁਣ ਆਪਣੇ ਫਿਲਮੀ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਸਹਾਇਕ ਨਿਰਦੇਸ਼ਕ ਦੇ ਤੌਰ 'ਤੇ ਇੰਡਸਟਰੀ 'ਚ ਆਪਣੀ ਸ਼ੁਰੂਆਤ ਕੀਤੀ ਸੀ। ਜਿਸ ਵਿੱਚ ਉਸਨੇ ਆਪਣੀ ਪਹਿਲੀ ਫਿਲਮ ਪੱਤਾ ਪੱਤਾ ਸਿੰਘਾ ਦੀ ਵਾਰੀ, ਕਿਰਦਾਰ, ਯਾਰਾ ਵੇ, ਯਮਲਾ, ਗਦਰੀ ਯੋਧੇ, ਇੱਕ ਸੰਧੂ ਹੁੰਦਾ ਸੀ ਵਿੱਚ ਕੰਮ ਕੀਤਾ।ਇਸ ਦੇ ਨਾਲ ਹੀ ਤੁਹਾਨੂੰ ਦੱਸ ਦੇਈਏ ਕਿ ਉਹ ਇੱਕ ਮਿਊਜ਼ਿਕ ਵੀਡੀਓ ਦੇ ਰੂਪ ਵਿੱਚ 40 ਤੋਂ ਵੱਧ ਗੀਤਾਂ ਵਿੱਚ ਕੰਮ ਕਰ ਚੁੱਕੇ ਹਨ। ਨਿਰਦੇਸ਼ਕ ਨਵੀਨ ਦੀ ਪਹਿਲੀ ਫ਼ੀਚਰ ਫ਼ਿਲਮ ਗੀਤ Mp3 ਦੁਆਰਾ ਪੇਸ਼ ਕੀਤੀ ਗਈ ਕਾਕਾ ਪ੍ਰਧਾਨ ਸੀ ਅਤੇ ਦੂਜੀ ਹੰਬਲ ਮੋਸ਼ਨ ਫ਼ਿਲਮਜ਼ ਦੁਆਰਾ ਪੇਸ਼ ਕੀਤੀ ਗਈ ਕ੍ਰਿਮੀਨਲ ਸੀ।
