ਤਾਜਾ ਖਬਰਾਂ
ਮਾਨਸਾ, 1 ਜੁਲਾਈ – ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਦੇ ਜੀਵਨ ’ਤੇ ਆਧਾਰਿਤ ਬੀ.ਬੀ.ਸੀ. ਦੀ ਡਾਕੂਮੈਂਟਰੀ 'ਦ ਕਿੱਲਿੰਗ ਕਾਲ' ਨੂੰ ਲੈ ਕੇ ਚੱਲ ਰਹੇ ਕਾਨੂੰਨੀ ਮਾਮਲੇ ਦੀ ਅਗਲੀ ਸੁਣਵਾਈ ਹੁਣ 21 ਜੁਲਾਈ ਨੂੰ ਹੋਵੇਗੀ। ਅੱਜ ਸੀਨੀਅਰ ਵਕੀਲ ਬਲਵੰਤ ਭਾਟੀਆ, ਐਂਕਰ ਇਸ਼ਲੀਨ ਕੌਰ ਅਤੇ ਅੰਕੁਰ ਜੈਨ ਵੱਲੋਂ ਐਡਵੋਕੇਟ ਗੁਰਦਾਸ ਸਿੰਘ ਮਾਨ ਰਾਹੀਂ ਅਦਾਲਤ ਵਿੱਚ ਹਾਜ਼ਰ ਹੋ ਕੇ ਆਪਣੇ ਦਾਅਵਿਆਂ ਦੇ ਜਵਾਬ ਦੇ ਨਾਲ ਸੀ.ਪੀ.ਸੀ. ਦੇ ਆਰਡਰ 39 ਰੂਲ 1-2 ਅਧੀਨ ਦਰਖਾਸਤ ਦਾ ਜਵਾਬ ਵੀ ਦਾਖਲ ਕੀਤਾ। ਦੂਜੇ ਪਾਸੇ, ਮੁੱਦਈ ਧਿਰ ਦੇ ਵਕੀਲ ਸਤਿੰਦਰਪਾਲ ਸਿੰਘ ਵੱਲੋਂ ਬੀ.ਬੀ.ਸੀ. ਦੀ ਆਰਡਰ 7 ਰੂਲ 11 ਅਧੀਨ ਦਰਖਾਸਤ ਦਾ ਜਵਾਬ ਇਸ ਵਾਰ ਵੀ ਪੇਸ਼ ਨਹੀਂ ਕੀਤਾ ਗਿਆ। ਅਡੀਸ਼ਨਲ ਸਿਵਲ ਜੱਜ ਸੀਨੀਅਰ ਡਵੀਜ਼ਨ ਅੰਕਿਤ ਐਰੀ ਨੇ ਅਗਲੀ ਤਾਰੀਖ ਤੱਕ ਜਵਾਬ ਦਾਖਲ ਕਰਨ ਦੇ ਹੁਕਮ ਦਿੱਤੇ ਹਨ।
Get all latest content delivered to your email a few times a month.
