ਤਾਜਾ ਖਬਰਾਂ
ਸੁਲਤਾਨਪੁਰ ਲੋਧੀ ਦੇ ਮੰਡ ਖੇਤਰ ਵਿੱਚ ਬਿਆਸ ਦਰਿਆ ਦੇ ਪਾਣੀ ਨੇ ਤਬਾਹੀ ਮਚਾ ਦਿੱਤੀ। ਪਿੰਡ ਬਾਊਪੁਰ ਜਦੀਦ ਨੇੜੇ ਅਡਵਾਂਸ ਬੰਨ ਟੁੱਟਣ ਕਾਰਨ ਹੜ੍ਹ ਦਾ ਪਾਣੀ ਖੇਤਾਂ ਵਿੱਚ ਵੜ ਗਿਆ। ਧਾਨ, ਮੱਕੀ, ਗੰਨਾ ਸਮੇਤ ਕਈ ਫਸਲਾਂ ਤਬਾਹ ਹੋਣ ਦੇ ਕਗਾਰ ‘ਤੇ ਹਨ। ਅੰਦਾਜ਼ੇ ਮੁਤਾਬਕ 14–15 ਪਿੰਡ ਸਿੱਧੇ ਪ੍ਰਭਾਵਿਤ ਹੋਣ ਦਾ ਖਤਰਾ ਹੈ।
ਸਵੇਰ ਤੋਂ ਹੀ ਦਰਿਆ ਦਾ ਪਾਣੀ ਲਗਾਤਾਰ ਚੜ੍ਹ ਰਿਹਾ ਸੀ ਅਤੇ ਅਖ਼ੀਰਕਾਰ ਬੰਨ ਦਾ ਹਿੱਸਾ ਟੁੱਟ ਗਿਆ। ਕਿਸਾਨਾਂ ਨੇ ਦੱਸਿਆ ਕਿ ਰਾਤ ਤੋਂ ਹੀ ਪਾਣੀ ਵਧਦਾ ਵੇਖ ਰਹੇ ਸਨ ਪਰ ਉਮੀਦ ਸੀ ਕਿ ਰੁਕ ਜਾਵੇਗਾ। ਹੁਣ ਲੋਕ ਆਪਣੇ ਘਰਾਂ ਦਾ ਸਮਾਨ ਸੁਰੱਖਿਅਤ ਕਰ ਰਹੇ ਹਨ ਅਤੇ ਕੁਝ ਖੇਤਾਂ ਵਿੱਚ ਅਸਥਾਈ ਤੌਰ ‘ਤੇ ਬੰਨ ਬੰਨਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇੱਕ ਬਜ਼ੁਰਗ ਨੇ ਭਾਵੁਕ ਹੋ ਕੇ ਕਿਹਾ, "ਇਹ ਸਾਡੀਆਂ ਫਸਲਾਂ ਨਹੀਂ, ਸਾਡੇ ਸੁਪਨੇ ਹਨ।" ਪ੍ਰਸ਼ਾਸਨ ਹਾਲਾਤ ‘ਤੇ ਨਿਗਰਾਨੀ ਕਰ ਰਿਹਾ ਹੈ, ਪਰ ਲੋਕ ਸਰਕਾਰੀ ਮਦਦ ਤੋਂ ਬਿਨਾਂ ਆਪਣੇ ਹੌਸਲੇ ਨਾਲ ਮੁਕਾਬਲਾ ਕਰ ਰਹੇ ਹਨ।
Get all latest content delivered to your email a few times a month.
