ਕੇਂਦਰ ਸਰਕਾਰ ਨੇ ਹਾੜੀ ਸੀਜ਼ਨ 2026-27 ਲਈ MSP ਵਿੱਚ ਵਾਧਾ ਕੀਤਾ, ਕਿਸਾਨਾਂ ਨੂੰ ਕਣਕ ਤੇ ਸਰ੍ਹੋਂ 'ਤੇ ਸਭ ਤੋਂ ਵੱਧ ਲਾਭ

ਕੇਂਦਰ ਸਰਕਾਰ ਨੇ ਹਾੜੀ ਸੀਜ਼ਨ 2026-27 ਲਈ ਘੱਟੋ-ਘੱਟ ਸਮਰਥਨ ਮੁੱਲ (MSP) ਦਾ ਐਲਾਨ ਕਰਦਿਆਂ ਕਣਕ, ਛੋਲੇ, ਦਾਲਾਂ, ਸਰ੍ਹੋਂ ਅਤੇ ਹੋਰ ਹਾੜੀ ਫਸਲਾਂ ਲਈ ਕੀਮਤਾਂ ਵਧਾ ਦਿੱਤੀਆਂ ਹਨ। ਸਰਕਾਰ ਨੇ ਇਹ ਵੀ ਦੱਸਿਆ ਕਿ ਇਸ ਵਾਰ MSP ਵਾਧਾ ਕਿਸਾਨਾਂ ਦੇ ਉਤਪਾਦਨ ਖਰਚੇ ਅਤੇ ਕੀਮਤਾਂ ਕਮਿਸ਼ਨ (CACP) ਦੀਆਂ ਸਿਫ਼ਾਰਸ਼ਾਂ ਦੇ ਆਧਾਰ ‘ਤੇ ਨਿਰਧਾਰਤ ਕੀਤਾ ਗਿਆ ਹੈ, ਜਿਸਦਾ ਮਕਸਦ ਕਿਸਾਨਾਂ ਨੂੰ ਉਨ੍ਹਾਂ ਦੀ ਫਸਲਾਂ ‘ਤੇ ਵੱਧ ਲਾਭ ਦੇਣਾ ਹੈ।

ਹਾੜੀ ਫਸਲਾਂ ਵਿੱਚ ਮੁੱਖ ਤੌਰ ‘ਤੇ ਕਣਕ, ਜਵਾਰ, ਜੌਂ, ਛੋਲੇ ਅਤੇ ਦਾਲਾਂ ਸ਼ਾਮਲ ਹਨ। ਕਣਕ ਦੀ ਬਿਜਾਈ ਅਕਤੂਬਰ ਦੇ ਅਖੀਰ ਵਿੱਚ ਹੁੰਦੀ ਹੈ ਅਤੇ ਕਟਾਈ ਮਾਰਚ ਵਿੱਚ ਸ਼ੁਰੂ ਹੁੰਦੀ ਹੈ। ਇਸ ਮਾਰਕੀਟਿੰਗ ਸੀਜ਼ਨ ਲਈ ਕਣਕ ਦੀ ਖਰੀਦ ਅਕਸਰ ਅਪ੍ਰੈਲ ਵਿੱਚ ਸ਼ੁਰੂ ਹੁੰਦੀ ਹੈ ਅਤੇ ਜੂਨ ਤੱਕ ਵੱਡਾ ਹਿੱਸਾ ਖਰੀਦਿਆ ਜਾਂਦਾ ਹੈ, ਜਿਸ ਨਾਲ ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਤਪਾਦਨ ਲਾਗਤ ਤੋਂ ਵੱਧ ਕੀਮਤ ਮਿਲਦੀ ਹੈ।

ਐਲਾਨੇ ਗਏ ਅੰਕੜਿਆਂ ਅਨੁਸਾਰ ਕਣਕ ਦੀ ਉਤਪਾਦਨ ਲਾਗਤ 1,239 ਰੁਪਏ ਪ੍ਰਤੀ ਕੁਇੰਟਲ ਹੈ, ਜਦਕਿ MSP 2,585 ਰੁਪਏ ਹੈ, ਜਿਸ ਨਾਲ ਕਿਸਾਨਾਂ ਨੂੰ 109% ਦਾ ਮੁਨਾਫਾ ਮਿਲੇਗਾ। ਜੌਂ ਦੀ ਲਾਗਤ 1,361 ਰੁਪਏ ਅਤੇ MSP 2,150 ਰੁਪਏ ਹੈ, ਛੋਲਿਆਂ ਦੀ ਲਾਗਤ 3,699 ਰੁਪਏ ਅਤੇ MSP 5,875 ਰੁਪਏ ਹੈ, ਜਦਕਿ ਦਾਲਾਂ ਦੀ ਲਾਗਤ 3,705 ਰੁਪਏ ਅਤੇ MSP 7,000 ਰੁਪਏ ਤੈਅ ਕੀਤੀ ਗਈ ਹੈ।

ਸਰ੍ਹੋਂ ਦੀ ਉਤਪਾਦਨ ਲਾਗਤ 3,210 ਰੁਪਏ ਹੈ, ਜਦਕਿ MSP 6,200 ਰੁਪਏ ਤੈਅ ਕੀਤਾ ਗਿਆ ਹੈ, ਜਿਸ ਨਾਲ ਕਿਸਾਨਾਂ ਨੂੰ 93% ਦਾ ਲਾਭ ਮਿਲੇਗਾ। ਕੁਸਮੁ (Safflower) ਦੀ ਲਾਗਤ 4,360 ਰੁਪਏ ਹੈ ਅਤੇ MSP 6,540 ਰੁਪਏ ਤੈਅ ਹੈ, ਜਿਸ ਨਾਲ 50% ਦਾ ਲਾਭ ਹੋਵੇਗਾ। ਖੇਤੀਬਾੜੀ ਮਾਹਿਰਾਂ ਦੇ ਅਨੁਸਾਰ, MSP ਵਿੱਚ ਵਾਧਾ ਕਣਕ ਅਤੇ ਤੇਲ ਬੀਜਾਂ ਦੀ ਬਿਜਾਈ ਨੂੰ ਉਤਸ਼ਾਹਿਤ ਕਰੇਗਾ, ਜਦਕਿ ਜੌਂ ਅਤੇ ਕੁਸਮੁ ਵਰਗੀਆਂ ਫਸਲਾਂ ਵਿੱਚ ਘੱਟ ਮੁਨਾਫ਼ਾ ਹੋਣ ਕਾਰਨ ਕਿਸਾਨਾਂ ਦੀ ਦਿਲਚਸਪੀ ਘੱਟ ਹੋ ਸਕਦੀ ਹੈ।