ਤਾਜਾ ਖਬਰਾਂ
ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਵਧ ਰਹੇ ਤਣਾਅ ਕਾਰਨ, ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) 2025 ਨੂੰ ਅਣਮਿੱਥੇ ਸਮੇਂ ਲਈ ਰੋਕ ਦਿੱਤਾ ਗਿਆ ਹੈ। ਇਸ ਸਥਿਤੀ ਨੇ ਭਾਰਤ ਦੀ ਅੰਤਰਰਾਸ਼ਟਰੀ ਕ੍ਰਿਕਟ ਯਾਤਰਾਵਾਂ 'ਤੇ ਵੀ ਪ੍ਰਭਾਵ ਪਾਇਆ ਹੈ। ਹੁਣ ਇਹ ਸੰਭਾਵਨਾ ਘੱਟ ਜਾਪਦੀ ਹੈ ਕਿ ਭਾਰਤੀ ਟੀਮ ਅਗਸਤ ਵਿੱਚ ਬੰਗਲਾਦੇਸ਼ ਦਾ ਦੌਰਾ ਕਰੇਗੀ ਜਾਂ ਸਤੰਬਰ ਵਿੱਚ ਏਸ਼ੀਆ ਕੱਪ ਵਿੱਚ ਹਿੱਸਾ ਲੇਵੇਗੀ।
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਇਸ ਚੁਣੌਤੀਪੂਰਨ ਹਾਲਾਤ ਵਿੱਚ ਆਈਪੀਐਲ ਦੇ ਬਾਕੀ 17 ਮੈਚਾਂ ਲਈ ਇਕ ਨਵੀਂ ਵਿੰਡੋ ਖੋਜਣ 'ਤੇ ਕੰਮ ਕਰ ਰਿਹਾ ਹੈ। ਇਹ ਮੈਚ ਧਰਮਸ਼ਾਲਾ ਵਿੱਚ ਰੱਦ ਹੋਏ ਮੈਚ ਸਮੇਤ ਦੋ ਕੁਆਲੀਫਾਇਰ, ਇੱਕ ਐਲੀਮੀਨੇਟਰ ਅਤੇ ਫਾਈਨਲ ਮੈਚ ਨੂੰ ਸ਼ਾਮਲ ਕਰਦੇ ਹਨ। ਜੇਕਰ ਤਣਾਅ ਲੰਬਾ ਖਿੱਚਦਾ ਹੈ, ਤਾਂ ਅਗਸਤ-ਸਤੰਬਰ ਦੀ ਰੇਂਜ ਹੀ ਆਈਪੀਐਲ ਨੂੰ ਮੁਕੰਮਲ ਕਰਨ ਲਈ ਇਕਲੌਤਾ ਵਿਕਲਪ ਹੋ ਸਕਦਾ ਹੈ।
ਭਾਰਤ ਨੇ ਜੂਨ ਦੇ ਸ਼ੁਰੂ ਵਿੱਚ ਇੰਗਲੈਂਡ ਵਿੱਚ ਟੈਸਟ ਸੀਰੀਜ਼ ਲਈ ਜਾਣਾ ਹੈ। ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਆਈਪੀਐਲ ਨੂੰ ਬੰਗਲਾਦੇਸ਼ ਦੌਰੇ ਜਾਂ ਏਸ਼ੀਆ ਕੱਪ ਤੋਂ ਪਹਿਲਾਂ ਮੁਕੰਮਲ ਕਰਨਾ ਮਸ਼ਕਿਲ ਹੋਵੇਗਾ, ਪਰ ਬੀਸੀਸੀਆਈ ਆਪਣੇ ਰੁਖ ਵਿੱਚ ਕੋਈ ਲਚਕ ਨਹੀਂ ਦੇਖਾ ਰਹੀ।
ਧਰਮਸ਼ਾਲਾ ਵਿੱਚ ਵੀਰਵਾਰ ਰਾਤ ਨੂੰ ਹੋਏ ਪੰਜਾਬ ਕਿੰਗਜ਼ ਅਤੇ ਦਿੱਲੀ ਕੈਪੀਟਲਜ਼ ਮੈਚ ਤੋਂ ਬਾਅਦ, ਜਦੋਂ ਸਥਿਤੀ ਨਾਜੁਕ ਬਣੀ, ਬੋਰਡ ਨੇ ਖਿਡਾਰੀਆਂ ਅਤੇ ਸਟਾਫ ਦੀ ਸੁਰੱਖਿਆ ਨੂੰ ਪਹਿਲ ਦਿੰਦਿਆਂ ਸਾਰੀ ਲੀਗ ਨੂੰ ਅਣਮਿੱਥੇ ਸਮੇਂ ਲਈ ਰੱਦ ਕਰ ਦਿੱਤਾ। ਲਖਨਊ ਵਿੱਚ ਹੋਣ ਵਾਲਾ ਐਲਐਸਜੀ ਵਿਰੁੱਧ ਆਰਸੀਬੀ ਮੈਚ ਵੀ ਇਸ ਕਾਰਨ ਰੱਦ ਹੋ ਗਿਆ।
Get all latest content delivered to your email a few times a month.
