ਤਾਜਾ ਖਬਰਾਂ
ਚੰਡੀਗੜ੍ਹ ਆਬਕਾਰੀ ਅਤੇ ਕਰ ਵਿਭਾਗ ਨੇ ਬਕਾਇਆ ਲਾਇਸੈਂਸ ਫੀਸ ਨਾ ਭਰਨ ਵਾਲੇ ਠੇਕੇਦਾਰਾਂ ਖ਼ਿਲਾਫ਼ ਵੱਡੀ ਕਾਰਵਾਈ ਕੀਤੀ ਹੈ। ਮੰਗਲਵਾਰ ਸ਼ਾਮ ਨੂੰ ਵਿਭਾਗੀ ਟੀਮਾਂ ਨੇ ਪਿੰਡ ਮਲੋਆ, ਕਜਹੇੜੀ, ਸੈਕਟਰ 18, 22ਡੀ, 22ਏ, 34, 37, 46, ਰੇਲਵੇ ਕਲੋਨੀ ਮਨੀਮਾਜਰਾ ਅਤੇ ਕਾਲਕਾ ਰੋਡ ਮਨੀਮਾਜਰਾ ਸਮੇਤ ਕਈ ਇਲਾਕਿਆਂ ਵਿੱਚ 22 ਸ਼ਰਾਬ ਦੇ ਠੇਕੇ ਸੀਲ ਕਰ ਦਿੱਤੇ।
ਇਨ੍ਹਾਂ ਠੇਕੇਦਾਰਾਂ 'ਤੇ ਲਗਭਗ 6 ਕਰੋੜ ਰੁਪਏ ਦੀ ਲਾਇਸੈਂਸ ਫੀਸ ਬਕਾਇਆ ਸੀ, ਜਿਸ ਬਾਰੇ ਉਨ੍ਹਾਂ ਨੂੰ ਕਈ ਵਾਰ ਨੋਟਿਸ ਜਾਰੀ ਕੀਤੇ ਗਏ ਸਨ। ਵਿਭਾਗ ਦਾ ਕਹਿਣਾ ਹੈ ਕਿ ਲਾਇਸੈਂਸ ਫੀਸ ਜਮ੍ਹਾ ਕਰਵਾਉਣਾ ਠੇਕੇਦਾਰਾਂ ਦੀ ਪਹਿਲੀ ਜ਼ਿੰਮੇਵਾਰੀ ਹੈ ਅਤੇ ਜਿਹੜੇ ਸਮੇਂ ਸਿਰ ਫੀਸ ਨਹੀਂ ਭਰਨਗੇ, ਉਨ੍ਹਾਂ ਵਿਰੁੱਧ ਇਹ ਕਾਰਵਾਈ ਭਵਿੱਖ ਵਿੱਚ ਵੀ ਜਾਰੀ ਰਹੇਗੀ।
ਬੁੱਧਵਾਰ ਸਵੇਰੇ 10 ਠੇਕੇਦਾਰਾਂ ਨੇ ਆਪਣੀ ਬਕਾਇਆ ਫੀਸ ਜਮ੍ਹਾ ਕਰਵਾ ਦਿੱਤੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਠੇਕੇ ਖੋਲ੍ਹ ਦਿੱਤੇ ਗਏ। ਹਾਲਾਂਕਿ, ਅਜੇ ਵੀ 12 ਠੇਕੇ ਸੀਲ ਹਨ ਅਤੇ ਤਾਲੇ ਤਦੋਂ ਹੀ ਹਟਾਏ ਜਾਣਗੇ ਜਦੋਂ ਬਕਾਇਆ ਪੂਰਾ ਜਮ੍ਹਾਂ ਹੋਵੇਗਾ।
Get all latest content delivered to your email a few times a month.
