ਤਾਜਾ ਖਬਰਾਂ
ਖਾੜੀ ਦੇਸ਼ਾਂ ਵਿੱਚ ਜਾਰੀ ਭਾਰੀ ਤਣਾਅ ਦਰਮਿਆਨ ਕਤਰ ਨੇ ਇੱਕ ਹੈਰਾਨੀਜਨਕ ਕਦਮ ਚੁੱਕਦਿਆਂ ਆਪਣੇ ਆਪ ਨੂੰ ਈਰਾਨ-ਅਮਰੀਕਾ ਜੰਗ ਤੋਂ ਪੂਰੀ ਤਰ੍ਹਾਂ ਵੱਖ ਕਰ ਲਿਆ ਹੈ। ਇਜ਼ਰਾਈਲੀ ਵੈੱਬਸਾਈਟ 'JFeed' ਦੀ ਰਿਪੋਰਟ ਮੁਤਾਬਕ ਕਤਰ ਅਤੇ ਈਰਾਨ ਵਿਚਾਲੇ ਇਕ ਵੱਡੀ ਵਿੱਤੀ ਡੀਲ ਹੋਈ ਹੈ, ਜਿਸ ਤੋਂ ਬਾਅਦ ਕਤਰ ਨੇ ਐਲਾਨ ਕੀਤਾ ਹੈ ਕਿ ਉਹ ਹੁਣ ਅਮਰੀਕਾ ਅਤੇ ਈਰਾਨ ਵਿਚਾਲੇ ਵਿਚੋਲੇ ਦੀ ਭੂਮਿਕਾ ਨਹੀਂ ਨਿਭਾਏਗਾ।
6 ਬਿਲੀਅਨ ਡਾਲਰ ਦੀ 'ਸੁਰੱਖਿਆ ਡੀਲ'?
ਰਿਪੋਰਟਾਂ ਅਨੁਸਾਰ, ਕਤਰ ਨੇ ਆਪਣੀਆਂ ਤੇਲ ਅਤੇ ਗੈਸ ਸਹੂਲਤਾਂ ਨੂੰ ਈਰਾਨੀ ਹਮਲਿਆਂ ਤੋਂ ਬਚਾਉਣ ਲਈ ਈਰਾਨ ਨੂੰ 6 ਬਿਲੀਅਨ ਡਾਲਰ ਦੇਣ ਦਾ ਫੈਸਲਾ ਕੀਤਾ ਹੈ।
ਕਿੱਥੋਂ ਆਇਆ ਪੈਸਾ: ਇਹ ਉਹ ਰਕਮ ਹੈ ਜੋ ਅਮਰੀਕਾ ਨੇ 2023 ਵਿੱਚ ਕੈਦੀਆਂ ਦੀ ਰਿਹਾਈ ਦੇ ਬਦਲੇ ਈਰਾਨ ਨੂੰ ਦੇਣ ਲਈ ਕਤਰ ਦੇ ਬੈਂਕਾਂ ਵਿੱਚ ਰੱਖੀ ਸੀ।
ਕਿਸ ਨੂੰ ਮਿਲੇਗਾ ਫੰਡ: ਇਹ ਪੈਸਾ ਸਿੱਧਾ ਈਰਾਨ ਦੇ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰ (IRGC) ਨੂੰ ਟ੍ਰਾਂਸਫਰ ਕੀਤਾ ਜਾਵੇਗਾ, ਜੋ ਮੌਜੂਦਾ ਜੰਗ ਦੀ ਅਗਵਾਈ ਕਰ ਰਿਹਾ ਹੈ।
ਵਿਚੋਲਗੀ ਤੋਂ ਪਿਛਾਂਹ ਹਟਿਆ ਕਤਰ: ਕਤਰ ਦੇ ਵਿਦੇਸ਼ ਮੰਤਰੀ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਹੁਣ ਅਮਰੀਕਾ-ਈਰਾਨ ਵਿਚਾਲੇ ਕੋਈ ਗੱਲਬਾਤ ਨਹੀਂ ਕਰਵਾਉਣਗੇ। ਉਨ੍ਹਾਂ ਕਿਹਾ ਕਿ ਅਮਰੀਕਾ ਈਰਾਨ ਨੂੰ ਗੱਲਬਾਤ ਲਈ ਭਰੋਸਾ ਦੇਣ ਵਿੱਚ ਨਾਕਾਮ ਰਿਹਾ ਹੈ।
ਅਮਰੀਕਾ ਦੀ ਮਦਦ ਤੋਂ ਇਨਕਾਰ: ਕਤਰ ਨੇ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਇਹ ਜੰਗ ਇਜ਼ਰਾਈਲ ਦੇ ਹਿੱਤਾਂ ਲਈ ਲੜੀ ਜਾ ਰਹੀ ਹੈ, ਇਸ ਲਈ ਉਹ ਅਮਰੀਕਾ ਦੀ ਕੋਈ ਮਦਦ ਨਹੀਂ ਕਰਨਗੇ ਅਤੇ ਨਾ ਹੀ ਈਰਾਨ 'ਤੇ ਹਮਲਾ ਕਰਨਗੇ।
ਹਮਲਿਆਂ 'ਤੇ ਲੱਗੀ ਰੋਕ: 20 ਮਾਰਚ ਤੋਂ ਬਾਅਦ ਈਰਾਨ ਨੇ ਕਤਰ ਦੀਆਂ ਊਰਜਾ ਸਹੂਲਤਾਂ 'ਤੇ ਕੋਈ ਹਮਲਾ ਨਹੀਂ ਕੀਤਾ ਹੈ। ਆਖਰੀ ਹਮਲਾ ਰਾਸ ਲਫਾਨ ਵਿੱਚ ਹੋਇਆ ਸੀ, ਪਰ ਸਮਝੌਤੇ ਤੋਂ ਬਾਅਦ ਹੁਣ ਸ਼ਾਂਤੀ ਬਣੀ ਹੋਈ ਹੈ।
ਈਰਾਨੀ ਹਮਲਿਆਂ ਕਾਰਨ ਹੁਣ ਤੱਕ ਕਤਰ ਦੇ 4 ਨਾਗਰਿਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 16 ਜ਼ਖਮੀ ਹੋਏ ਹਨ। 'ਕਤਰ ਐਨਰਜੀ' ਮੁਤਾਬਕ ਇਨ੍ਹਾਂ ਹਮਲਿਆਂ ਕਾਰਨ ਗੈਸ ਉਤਪਾਦਨ ਵਿੱਚ 17 ਪ੍ਰਤੀਸ਼ਤ ਦੀ ਕਮੀ ਆਉਣ ਦਾ ਖਦਸ਼ਾ ਸੀ। ਕਿਉਂਕਿ ਕਤਰ ਭਾਰਤ, ਚੀਨ ਅਤੇ ਅਮਰੀਕਾ ਵਰਗੇ ਵੱਡੇ ਦੇਸ਼ਾਂ ਨੂੰ ਐਲ.ਐਨ.ਜੀ. (LNG) ਸਪਲਾਈ ਕਰਦਾ ਹੈ, ਇਸ ਲਈ ਆਪਣੇ ਵਪਾਰਕ ਹਿੱਤਾਂ ਨੂੰ ਬਚਾਉਣ ਲਈ ਕਤਰ ਨੇ ਇਹ ਵੱਡਾ ਸਿਆਸੀ ਫੈਸਲਾ ਲਿਆ ਹੈ।
Get all latest content delivered to your email a few times a month.
